Skip to main content
COVID-19 Alert Level 3: The Foundation North office will be temporarily closed from Monday 1st March.

Talofa lava

E fa’atalofa atu le Foundation North’s Website i lo outou pa’ia. Malo lava le soifua – fa’afetai tele mo le feso’ota’i mai.

O le Foundation North o le Trust lea mo le talafatai o Aukilani ma Northland (Itu i Matu). O le Trust, o se Fa’alapotopotoga lea ua fa’atuatuaina e va’aia mea totino a se community po’o se talafatai.

O le matou va’aiga taula’i lava mo le lumana’i, o le ola fa’afouina.

Matou te fa’atupeina fa’alapotopotoga ma kulupu latou te faia ni galuega, ‘au’aunaga, ma ni polokalame e fesoasoani ai i tagata lautele, ina ia maua lo latou soifua lelei i le taimi nei ma le lumana’i, i totonu o le talafatai o Aukilani ma Northland.

Matou te manana’o ia aoga nei tupe e avatu, ina ia una’i malosi ai itu nei e fa: ia fa’atauaina atili le tutusa o tagata uma, ia fa’atauaina le aofia ma le ‘auai o tagata uma, ia fai se si’osi’omaga aoga mo tupulaga i le lumana’i, ia lagolago ai pea tagata lautele.

O le fa’atupeina o polokalame mo talafatai (community progrm funding) o lo’o tatalaina lava mo le tausaga atoa. O lo’o avanoa fo’i nisi fesoasoani e fua lava i le poloketi o lo’o e galue ai, ma le itu’aiga fa’alapotopotoga e te lavea ai.

O a matou polokalame e aupito i sili ona iloaina tele e tagata o Tupe e Tali Vave atu i Mana’oga o Tagata (Quick Response Grants e o’o atu i le $25,000) ma Tupe mo Talafatai Community Grants mo Talosaga e sili atu i le $25,000.)

Afai o la outou apalai muamua lea, e lelei ona resitala se isi mai i la outou fa’alapotopotoga i le matou Funding – Hub, o le fa’agasologa o lea apalai o lo’o i luga i le Upega Tafa’ilagi.

O lo’o matou avanoa lava e avatu se fesoasoani ma se lagolago i le telefoni, imeli, po’o le talatalanoa fa’afesaga’i fo’i.

Afai tou te mana’omia se fa’aliliu upu e fesoasoani i le fa’aperetania o lo’o i le upega tafa’ilagi, fa’amolemole fa’afeso’ota’i mai i matou i lau gagana, ma e matou te fiafia lava e fesoasoani ia te outou. Fa’afeso’ota’i:

info@foundationnorth.org.nz

pe telefoni mai fo’i i le

Freephone 0800 272 878 or (09) 360 0291, po’o le

tusi mai foi i le Foundation North, PO Box 68-048, Victoria St West, Auckland 1142 pe fa’atumu fo’i le on – line form i i

Matou te fiafia lava tatou te feso’ota’i i le lumana’i.

Fa’afetai tele lava / Tofa soifua.