Fakaalofa lahi atu
Fakaaue ha kua maeke ke feleveia ke he kupega hila nai ha Foundation North.
Ko e kautaha Foundation North ko e kautaha community trust ke lata ma e tau maaga ko Okalana mo Northland.
Ko e haaoga mo e fakaveaga he kautaha nei ke gahua fakafeofanaki auloa ke moua e moui tupu olaola.
Maeke ia mautolu ke puhala e tau lagomatai tupe (grants) ke lata ma e tau matakau kehekehe. Putoia foki e tau lagomatai tupe ke lata ma e tau matakau ne lagomatai ke fakahagahaga mitaki e tau momoui nakai fai totogi (charity) ne fai fakaholoaga gahua mo e tau matagahua kehekehe he tau maaga ko Okalana mo Northland ke tumau ke moua e moui olaola he magaaho nai mo e tau aho i mua.
Manako a mautolu ke puhala e tau lagomatai ke he tau faahi nai ne fa: fakamalikiti e tau tutuaga ke ō tatai (increased equity) putoia ke he tau fakatutalaaga(social inclusion), feakiaga he takatakai(regenerative environment) mo e omoiaga he tau gahua he maaga (community support).
Ko e tau puhala lagomatai tupe nai, ke lata ma e tau fatifatiaaga tupe foaki(community funding) kua hafagi he tau katoa. Ha hā i ai foki falu a tau puhala lagomatai ka e ko e uta ni ke he tau fakatokatokaaga mo e tau fakaholoaga he tau matakau.
Ko e lagomatai tupe ne tokologa e tau matakau ne tohi e tau tohi ole ke moua, koe Quick Response Grants (fakaupa mai he $25,000 e tau tupe ne kua maeke ke tohi ole atu ke moua), mo e Community Grants (ke lata mae tau tupe lagomatai tohi ole ke hoko kehe $25,000)
Kaeke ko e tohi ole fakapā laia a nei haau ke lata ma e tau tupe lagomatai nai, to taha mai he haau a matakau ke tohia mo e fakamau hifo e higoa ke he kupega hila Funding Hub ha mautolu, ha ko e mena taute oti e tau tohi ole ki loto he kupega hila.
Maeke ia mautolu ke lagomatai a koe ke fakapuke e haau a tohi ole fakatelefoni, imeli po ke feleveia mata mo koe.
Ka manako a koe ke moua ha tagata fakahokohoko kupu po ke fakaliliu kupu ke lagomatai ke fakamaama e tau fakailoaga vagahau Pelitania ki loto kupega hila ha mautolu, ti matutaki mai ke he haau a vagahau motu. Fiafia a mautolu ke lagomatai a koe.
info@foundationnorth.org.nz
po ke vilo mai a koe he telefoni
Numela telefoni nakai fai totogi
Fiafia ke fai matutakiaga mo koe
Fakaaue Lahi.
Mafola e aho.
